არაბთა გაერთიანებული საემიროების დეველოპერული კომპანია Rakeen გეგმავს საქართველოში სულ 1,5 მილიარდი აშშ დოლარის ინვესტიციას განახორციელოს, იტყობინება დუბაიში დაფუძნებული ინგლისურენოვანი გაზეთი Khaleej Times 12 ივნისს.
საქართველოს შავი ზღვის ფოთის პორტში თავისუფალი ეკონომიკური ზონის განვითარება გეგმის ნაწილია, ნათქვამია ანგარიშში.
საქართველოს პარლამენტმა პირველი მოსმენით 25 მაისს დაამტკიცა წინადადება, რომელიც მწვანე შუქს აძლევს თავისუფალ ეკონომიკურ ზონებს.
Rakeen-მა, რომელიც ეკუთვნის არაბეთის გაერთიანებულ საემიროებში რას ალ ხაიმას (RAK), RAK Airways-სა და RAK Properties-ს, გასულ კვირას შეიძინა სასტუმრო Sheraton Metechi Palace თბილისში, მას შემდეგ რაც 67,5 მილიონი აშშ დოლარი შესთავაზა. ეკონომიკის სამინისტროს მიერ ორგანიზებულ აუქციონზე საწყისი ფასი 25 მილიონი აშშ დოლარი იყო.
საქართველოს პრეზიდენტი მიხეილ სააკაშვილი თებერვალში რას ალ-ხაიმას ეწვია და საქართველოსა და საამიროს შორის ეკონომიკური თანამშრომლობის შესახებ შეთანხმდა.
